दरवर्षीप्रमाणे या वर्षीही ६ एप्रिल ला प्रभू श्रीराम नवमी उत्सव शोभायात्रा समिती तर्फे भव्य दिव्य शोभायात्रेचे आयोजन करण्यात आले आहे.
अनेक वर्षांपासून वणीमध्ये ही परंपरा कायम आहे. प्रभू श्रीरामांच्या जन्मोत्सवानिमित्त वणी येथे रामनवमी चे आयोजन करून भव्यदिव्य शोभायात्रा काढण्यात येणार आहे.
या शोभायात्रेमध्ये विविध देखावे असणार अहेत अयोध्येतील रामलल्लांची देखणी मूर्ती, श्रीकृष्ण, भगवान शंकर आणि लाईव्ह हनुमान यांच्या मूर्ती विशेष आकर्षण ठरणार अहेत. तसेच वणीकरांना भजनांनी मंत्रमुग्ध करण्यासाठी शेगावच्या श्री गजानन महाराज देवस्थानच्या भजन मंडळीसह विविध ठिकाणांहून आलेली भजनी मंडळी आपली कला सादर करणार आहेत. याशिवाय, रामरथ, रामपालखी, घोडे, विविध बँड पथके अशा विविध पालख्यांसह ही शोभायात्रा निधणार आहे. विशेष आकर्षण म्हणून हरियाणातील 'लाईव्ह हनुमान' देखील या शोभायात्रेत सहभागी होणार आहे. ६ एप्रिल रोजी संपूर्ण वणी शहर भगवामय होईल, चौका-चौकात रांगोळ्यांनी सजावट केली जाईल. जुनी स्टेट बैंक जवळील राम मंदिर येथे संध्याकाळी ५ वाजता प्रभू श्रीरामांच्या रामरथाचे पूजन करून शोभायात्रेला सुरुवात होईल. ही शोभायात्रा राम मंदिर (जुनी स्टेट बँक) येथून सुरू होऊन श्याम टॉकीज चौक, काळाराम मंदिर मार्ग, श्री रंगनाथ स्वामी मंदिर चौक, भगतसिंग चौक, गाडगेबाबा चौक, सर्योदय चौक, टागोर चौक, टूटी कमान, गांधी चौक, खाती चौक, टिळक चौक, आंबेडकर चौक मार्गे पुन्हा राम मंदिर येथे पोहोचेल आणि महाआरतीने समारोप होईल.
या शोभायात्रेत मोठ्या संख्येने रामभक्तांनी सहभाग घ्यावा, अशी विनंती श्री प्रभू राम नवमी उत्सव समितीचे अध्यक्ष रवि बेलुरकर यांनी केली आहे.