वणी पोलीस स्टेशन हद्दीतील शहरानजीक असलेल्या गणेशपुर जवळपास वणी मुकुटबन मार्गावर एका सायकलस्वार कामगाराचा ट्रक अपघातात मृत्यू झाल्याची घटना सोमवारी सायंकाळी सहा वाजताच्या सुमारास घडली.
महेंद्र सदाशिव देठे (४०) रा. रंगनाथ नगर वणी असे अपघातात मृत्यू झालेल्या इसमाचे नाव आहे. महेंद्र हे बांधकाम कामगार होते ते काम पाहण्यासाठी रंगनाथ नगर येथील आपल्या राहत्या घरुन सतिघाट नदी पुलावर गणेशपुर गावाकडे आपल्या सायकलने जात होते दरम्यान पळसोनी - मुर्धोनी फाट्याजवळ मागाहून येणाऱ्या एका ट्रक ची त्या सायकलस्वारास धडक बसली. या अपघातात महेंद्र देठे हे गंभीर जखमी झाले या घटनेची माहिती मिळताच वाहतूक विभागाचे पोलिस कर्मचारी घटनास्थळी दाखल झाले त्यानंतर महेंद्र देठे यांना उपचारासाठी वणी तील एका खासगी रुग्णालयात दाखल केले मात्र प्रकृती चिंताजनक असल्याने महेंद्र देठे यांना पुढील उपचारासाठी नागपूर येथे रेफर केले मात्र वाटेतच जखमीचा मृत्यू झाला. याबाबत ट्रक चालकाविरुद्ध वणी पोलिसात तक्रार दाखल करण्यात आली असून पुढील तपास पोलीस करत आहे .
