मानकी येथील बाल गणेश उत्सव मंडळातर्फे गणेशोत्सवानिमित्त भव्य नृत्य स्पर्धेचे आयोजन करण्यात आले आहे. रविवार, २० सप्टेंबर २०२६ रोजी सायंकाळी ६ वाजता वरिष्ठ प्राथमिक शाळा, मानकी येथे ही स्पर्धा उत्साहात पार पडणार आहे.
या नृत्य स्पर्धेत सहभागी होणाऱ्या स्पर्धकांसाठी आकर्षक पारितोषिकांची घोषणा करण्यात आली आहे. प्रथम क्रमांकासाठी ५,००१ रुपये, द्वितीय क्रमांकासाठी ३,००१ रुपये आणि तृतीय क्रमांकासाठी २,००१ रुपये रोख पारितोषिक देण्यात येणार आहे. तसेच मानकी गावातील स्पर्धकांसाठी १,५०१ व १,००१ रुपयांची विशेष पारितोषिके ठेवण्यात आली आहेत. गावातील स्पर्धकांना स्पर्धेत प्रवेश विनामूल्य राहणार आहे.
स्पर्धकांनी सादर करावयाचे गीत तीन मिनिटांपेक्षा जास्त नसावे, तसेच गणेशोत्सवाच्या पार्श्वभूमीवर स्पर्धकांनी स्वतःची नृत्यसादरीकरणाची तयारी करावी, असे आवाहन मंडळाच्या वतीने करण्यात आले आहे. स्पर्धेतील कोणत्याही बदलाबाबत अथवा अंतिम निर्णयाबाबत मंडळाचा निर्णय अंतिम राहील, असे आयोजकांनी स्पष्ट केले आहे.
नृत्यकलेला प्रोत्साहन देण्यासाठी आयोजित या स्पर्धेत परिसरातील जास्तीत जास्त नृत्यप्रेमी व कलाकारांनी सहभागी व्हावे, असे आवाहन बाल गणेश उत्सव मंडळ, मानकी यांच्या वतीने करण्यात आले आहे.
नोंदणीसाठी संपर्क :
८८३००१२९२२, ८९९९१८३०१६,
९५५२०८९४४२, ९०२८०९५९९७.